Binuksan na kaninang alas-9:00 ng umaga ang Mega Job Fair sa Robinsons Town Mall sa Malabon City.
Ang job fair ay handog ng pamahalaang lungsod sa pamamagitan ng Public Employment Service Office (PESO) katuwang ang Robinsons Town Mall.
Nasa 55 na katuwang na kumpanya ang makikilahok at handang magbigay ng oportunidad para sa mga job seekers.
Ito na ang pagkakataong makakuha ng trabaho mapa-lokal man o sa ibang bansa ang job applicants.
Pinapayuhan ng local government unit (LGU) ang mga naghahanap ng trabaho na samantalahin ang pagkakataong ito para makakuha ng trabaho.
Tatagal ang job fair hanggang alas-4:00 ng hapon.
Bukod dito, magkakaroon din ng one-stop-shop ng mga National Government Agencies (NGA) kagaya ng Pag-IBIG, PhilHealth, NBI, SSS, TESDA, at PSA, na handang magbigay serbisyo sa publiko. | ulat ni Rey Ferrer
