Maagang nag-ikot sa ilang paaralan si Malabon City Mayor Jeannie Sandoval upang silipin ang sitwasyon sa pagbabalik-eskwela ng mga estudyante ngayong araw.
Unang nagtungo ang alkalde sa Malabon National High School na may 3,666 na enrollees ngayon taon, pinakamarami sa buong lungsod.
Sunod itong bumisita sa Malabon Elementary School na may 3,800 estudyanteng enrolled ngayong pasukan.
Dito, kinamusta ng alkalde ang kalagayan ng mga mag-aaral pati ng mga guro.
Kaugnay nito, hinimok naman ni Mayor Sandoval ang mga estudyante na mag-aral ng mabuti upang matupad ang mga pangarap sa buhay. | ulat ni Merry Ann Bastasa
