Nagbigay na ng pahayag si Makati City Mayor Abby Binay hinggil sa pag-take over ni Vice President at Education Secretary Sara Duterte sa 14 na paaralan ng EMBO barangays na dapat sana ay nakatakdang i-turn over sa Taguig City.
Sa kanyang statement, sinabi ni alkalde na welcome sa kanila ang naging desisyon ng ikalawang pangulo sa pag-take over nito sa 14 na paaralan.
Dagdag pa ni Mayor Binay na hinihintay na lamang nila ang transition team ni VP Sara upang maayos na mai-transmit ang mga dokumento.
Nagpasalamat naman si Mayor Abby kay VP Sara sa ginawang hakbang nito upang maalis na ang agam-agam ng mga mag-aaral, mga magulang at mga guro.
Makakaasa naman ang ikalawang pangulo na uunahin ng Makati ang kapakanan ng mga guro, mga kabataan at kanilang mga magulang. | ulat ni AJ Ignacio
