Nadagdagan pa ang mga lugar na isinailalim sa state of calamity dahil sa epekto ng bagyong Egay at habagat.
Sa huling ulat ngayong umaga ng National Disaster Risk Reduction and Management Council, umabot na sa 154 munisipyo at siyudad sa anim na rehiyon sa Luzon ang isinailalim na sa state of calamity.
Ito’y mula sa 151 na lugar kahapon.
Ang mga calamity area ay nasa Ilocos Region, Cagayan Valley, Central Luzon, CALABARZON, MIMAROPA, at Cordillera Administrative Region.
Ang naturang mga rehiyon kasi ang nakaranans ng matinding pagbaha kung saan maraming indibidwal ang naapektuhan.
Dahil nasa state of calamity, magagamit na ng mga LGU at Provincial Government ang kanilang calamity fund.
Awtomatiko ding ipinapairal ang ‘price freeze’ sa mga pangunahing bilihin sa mga calamity area. | ulat ni Leo Sarne
