Isa ang Pinyahan Elementary School sa Quezon City ang handa na sa unang araw ng pasukan ng klase bukas, Agosto 29.
Ayon kay Ginang Aireen Dulfo, Principal ng eskwelahan, kabuuang 2,400 na mag-aaral mula kinder hanggang grade 6 ang naka-enroll para sa School Year 2023-2024.
Naipamahagi na rin ang mga learning material at school bags para sa mga mag aaral, mula sa lokal na pamahalaan.
Bagamat may problema pa sa kakulangan ng classroom, nagagawan pa ito ng paraan ng pamunuan ng eskwelahan. | ulat ni Rey Ferrer
