Magbibigay ng libreng sakay ang MRT-3 para sa mga atleta, volunteer, at iba pang delegado ng FIBA Basketball World Cup 2023 mula ngayong araw, August 25 hanggang September 10.
Ito ay bilang pagsuporta ng pamunuan ng MRT-3 sa Philippine Sports Commission, at sa lahat ng mga delegado ng nasabing patimpalak.
Kinakailangan lamang na ipakita ng mga delegado ang kanilang FIBA Accreditation Pass sa service gate sa mga istasyon, upang makatanggap ng libreng sakay.
Maaaring makakuha ng libreng sakay sa buong operating hours ng MRT-3. | ulat ni Diane Lear
