Balik operasyon na ang Ninoy Aquino International Airport (NAIA), matapos maglabas ng Lightning Red Alert kaninang alas-5:22 ng umaga kung saan nakaranas ng pagkulog at pagkidlat at malakas na pagbuhos ng ulan.
Ayon sa MIAA, ibinababa na nila sa Yellow Alert ang ground operations as of 5:35 am at balik na ang mga flight operations ng mga pasahero patungo sa kanilang destinasyon.
Samantala, patuloy naman ang pag-aabiso nila sa pasahero sa ilang pagka-antala ng mga biyahe ngayong umaga ngunit sinisiguro pa rin ng MIAA na safe ang mga ito patungo sa kanilang mga flight destination. | ulat ni AJ Ignacio
