Pinahintulutan na ng Department of Transportation (DOTr) at Toll Regulatory Board ang paniningil ng NLEX Corporation sa Phase 1 ng NLEX-SLEX Connector Project mula Caloocan C3 hanggang España sa Maynila bukas August 8.
Ayon sa DOTr ay matagal nang libreng napakinabangan ng ating mga motorista ang naturang toll road dahil ito’y binuksan sa publiko noong March 29 kaya naman dapat lamang na maningil na ang NLEX.
Ayon naman sa Toll Regulatory Board simula bukas ₱86 ang singil sa Class 1 vehicle at ₱215 naman sa Class 2 vehicles, at nasa ₱302 naman para sa Class 3 vehicles.
Samantala, ang nalalabing parte ng NLEX-SLEX Connector mula España hanggang Skyway Stage 3 ay bubuksan sa 4th quarter ngayong taon. | ulat ni AJ Ignacio
