Ipagpapatuloy na sa Martes, Agosto 29 ang pagproseso ng Assistance to Individuals in Crisis Situation (AICS) program sa Department of Social Welfare and Development (DSWD) Central Office at sa National Capital Region.
Sinuspinde ng DSWD ang pagtanggap ng mga request noong Agosto 25 hanggang 28 para sa pagproseso gayundin ang payout para sa AICS.
Dahil ito sa deklarasyon ng suspensyon sa trabaho sa Metro Manila at lalawigan ng Bulacan para bigyang-daan ang opening ceremonies ng 2023 FIBA Basketball World Cup at ang pagdiriwang ng National Heroes Day.
Ang AICS ay isang programa na nagbibigay ng medical, burial, education, transportation at subsistence assistance sa mga mamamayan na nasa krisis na sitwasyon. | ulat ni Rey Ferrer
