Pinayagan na ng Department of Transportation (DOTr) ang pakikipag-usap sa kapwa pasahero at pagsagot ng tawag sa telepono sa lahat ng railway transportation sa bansa.
Ayon kay Transportation Secretary Jaime Bautista, ito’y dahil sa pagluluwag na rin ng COVID-19 protocols sa public transport kasunod ng pagtanggal ng State of Public Health Emergency sa bansa.
Ngunit paalala lamang ng kalihim sa mga mananakay na hinaan lamang ang pakikipag-usap upang hindi maka-istorbo sa ibang pasahero. | ulat ni AJ Ignacio
