Habang patuloy na umaarangkada ang ASEAN economies bilang “engine of global economic growth” nagpaalala si Finance Secretary Benjamin Diokno na manatiling mapagbantay sa iba’t ibang banta na kinahaharap ngayon ng world economy.
Ito ang inihayag ni Diokno sa kanyang naging intervention sa ASEAN Finance Ministers and Central Bank Governors Meeting (AFMGM) sa Jakarta.
Sinabi ng kalihim kabilang sa mga external risks ang rising geopolitical tensions, monetary policy tightening, elevated domestic inflation, at climate change.
Ayon sa International Monetary Fund at World Bank bagaman ang global potential growth ay nanatiling mababa, nakikita pa rin ang patuloy na paglago ng rehiyong asya at hahatakin nito pataas ang kalahati ng global growth.
Tugon ni Diokno kailangan masustine ng ASEAN member state ang “sustained investments in infrastructure and social programs” upang maibsan ang epekto ng global challenges. | ulat ni Melany Valdoz Reyes
