Nakibahagi na rin sa Brigada Eskwela 2023 ang Bureau of Jail Management and Penology-
Quezon City Jail Mail Doŕmitory (QCJMD).
Nagdeploy ng ilang jail personnel si QCJMD Jail Supt. Michelle Ng Bonto sa Fernando C Amorsolo Senior High School sa Kamuning Quezon City para sa boluntaryong paglilinis ng paaralan.
Tugon ito ng pamunuan ng QCJMD sa taunang programa ng DEPED na may temang, “Bayanihan para sa Matatag na Paaralan,”
Ginagawa ito bago ang pagbubukas ng klase sa Agosto 29 ngayong school year 2023-2024.
Umaasa ang mga itong mabigyan ang mga mag-aaral ng malinis at kaaya-ayang silid-aralan sa oras para sa kanilang unang araw ng klase.
Sa ganitong paraan din, pinatunayan ng QCJMD na ang bureau ay nagmamalasakit sa komunidad sa pamamagitan ng pagbigay ng boluntaryong serbisyo.
Ang Brigada Eskwela ay matatapos na ngayong araw. | ulat ni Rey Ferrer
