Naniniwala si Sen. Christopher ‘Bong’ Go na malaking tulong ang pag-promote ng Kadayawan Festival para sa turismo at negosyo sa Davao City.
Sa pahayag ng senador sa ginanap na Service Award ng Southern Philippines Medical Center o SPMC noong August 11, 2023 sa Dusit Thani Residence sa Davao City, sinabi nitong isang magandang oportunidad ang festival para maraming turista ang bibisita sa lungsod at makisaya sa selebrasyon.
Marami rin aniyang maliliit na negosyante ang kikita ng malaki dahil sa abundang ani ng mga prutas ngayong panahon.
Bilang isang Dabawenyo, hinikayat ni Sen. Bong Go ang publiko na makisaya sa Kadayawan Festival kung saan kasalukuyang ipinagdiriwang na magtatapos ngayong darating na Linggo, August 20, 2023. | ulat ni Macel Mamon Dasalla | RP1 Davao
