Naaresto ng Philippine National Police ang kauna-unahang lumabag sa gun ban sa lalawigan ng Quezon matapos na mag-amok at manakot gamit ang baril sa bayan ng Macalelon.
Sa ulat na nakarating sa Camp Crame, kinilala ni Quezon Provincial Police Office (PPO) Director Police Colonel Ledon Monte ang suspek na si Jayson Garcia Bulfane, 37 taong gulang.
Nakumpiska sa suspek ang isang replica na Glock 18 kasama ang 3 bala.
Nasa kustodiya ng Macalelon Municipal Police Station ang suspek para sampahan ng kaukulang kaso.
Nitong hatinggabi ng Agosto 28 sinimulang ipatupad ng PNP ang nationwide gun ban kasabay ng pagsisimula ng election period para sa Barangay at Sangguniang Kabataan Elections sa Oktubre. | ulat ni Leo Sarne
📷: QUEZON PPO
