Sisimulan na bukas ang pamamahagi ng Balik Eskwela School Kits sa mga mag-aaral sa pampublikong paaralan sa lungsod ng Valenzuela.
Ayon kay Mayor Wes Gatchalian, taon-taon na nilang ginagawa ang pamamahagi ng mga kagamitan sa eskwela sa mga mag-aaral mula kinder hanggang grade 6.
Nilalayon nitong mapagaan ang gastusin ng mga magulang sa pag-aaral ng kanilang anak.
Kabuuang 80k School Kits ang inihanda na ng LGU para sa mag aaral sa 41 pampublikong paaralan sa lungsod.
Tatagal ang pamamahagi nito hanggang Agosto 11. | ulat ni Rey Ferrer
