Nangako ang liderato ng Kamara na tutulungan ang Local Water Utilities Administration (LWUA) na tugunan ang problema sa water system loss na maaaring maka-apekto sa water conservation ng administrasyon.
Noong nakaraang linggo ay nakipagpulong ang dating kongresista at ngayon ay LWUA Chairperson Ronnie Ong, kay Speaker Martin Romualdez upang mabawasan o kung hindi man ay tuluyang maresolba ang nasa halos 30% annual water system loss ng iba’t ibang water district.
Katumbas ito ng 488 million cubic meters ng nasasayang na tubig, lagpas pa sa kalahit ng kapasidad ng Angat Dam.
Pagtiyak ni Romualdez na magiging bahagi ng pagtalakay ng Kamara sa 2024 national budget ang mga hakbang upang hanapan ng solusyon ang isyu gayundin ang i-modernisa ang LWUA.
“Patching up this water systems losses means more water for all at a time when El Niño remains a very serious threat to our daily convenience and food production. In line with President Ferdinand ‘Bongbong’ Romualdez Marcos Jr.’s aim of providing better service to Filipinos, I have instructed the House to look for ways to help LWUA tackle this. The ongoing deliberations of the House Committee on Appropriations chaired by Cong. Zaldy Co on the proposed ₱5.768-trillion budget for 2024 is the perfect opportunity to explore solutions, including the rehabilitation of water supply systems and modernizing LWUA,” ani Romualdez.
Paalala ng House leader na bahagi ito ng pagtupad sa atas ni PBBM na magtipid ng tubig ang mga tanggapan ng pamahalaan salig na rin sa inilabas na Memorandum Circular 22.
“We shall direct all congressmen to commit to the President’s call to conserve water by closely working with LWUA and addressing the wastage of water in their respective water districts,” dagdag ni Romualdez. | ulat ni Kathleen Jean Forbes
