Patuloy ang pagpapakawala ng tubig ng Ambuklao at Binga Dam sa Benguet ngayong Lunes.
Sa inilabas na update ng PAGASA Hydrometeorology Division, kaninang alas-sais ng umaga, nanatiling bukas ang tig-isang gate ng Ambuklao at Binga Dam.
Nabawasan naman na ng 0.40 meter ang pinapakawalang tubig sa Ambuklao Dam.
Sa ngayon, bahagya pang nadagdagan ang lebel ng tubig sa dam na nasa 751.75 meters ngayong umaga.
Samantala, nasa 0.30 meter na ang pinapakawalang tubig sa Binga Dam.
Nasa 574.69 ang lebel ng tubig sa dam, na malapit pa rin sa 575-meter na spilling level. | ulat ni Merry Ann Bastasa
