Pumalo na 26.7 milyon ang bilang ng mga mag-aaral na nag-enroll para sa School Year 2023-2024.
Ito ay batay sa pinakahuling datos ng Learner Information System Quick Count ng Department of Education (DepEd) hanggang kaninang alas-9 ng umaga.
Pinakamalaking bilang ng mga nag-enroll na estudyante ay mula sa Region IV-A na umabot na sa 3.9 milyon, pangalawa ang Region 3 na may 2.9 milyon, at pangatlo ang National Capital Region na may 2.7 milyon.
Habang may naitala naman na mahigit 300,000 nag-enroll sa Alternative Learning System, at may mahigit 18,000 ang nakapag-enroll sa Philippine Schools Overseas.
Kumpiyansa naman ang DepEd na maaabot ang target na 28.8 milyon na bilang ng mga enrollee ngayong school year. | ulat ni Diane Lear
