Umabot sa 4,422 na mga kawani ng pamahalaan ang naserbisyuhan ng libreng sakay ng Light Rail Transit Authority (LRTA) Line 2, mula September 18 hanggang 20.
Ito ay bilang pakikiisa sa pagdiriwang ng 123rd Philippine Civil Service Anniversary.
Nasa 1,120 na mga pasahero ang nakinabang sa libreng sakay sa LRT-2 noong Lunes, habang 1,667 noong Martes; at 1,615 na mga pasahero naman nitong Miyerkules.
Ang libreng sakay ay nagsimula ng alas-7 hanggang alas-9 ng umaga, at mula alas-5 ng hapon hanggang alas-7 ng gabi.
Ayon kay LRTA Administrator Atty. Hernando Cabrera, handog ito ng pamunuan sa mga kawani ng pamahalaan at taon-taon na isinasagawa bilang pasasalamat at pagkilala ng LRTA sa kanilang dedikasyon, serbisyo at sakripisyo sa bayan. | ulat ni Diane Lear
