Patuloy pa ring nadaragdagan ang mga mag-aaral na humahabol para sa School Year 2023-2024, dalawang linggo buhat nang pormal na magbukas ang klase sa mga paaralan.
Batay sa pinakahuling datos ng Department of Education o DepEd Learner Information System Quick Count as of September 12, umakyat na sa 26.6 milyon ang bilang ng enrollees.
Aminado ang DepEd na bagaman nadagdagan ang bilang ng mga nagnais pang humabol sa pasukan ay mababa pa rin ito sa 28 million target enrollee.
Samantala, sinabi naman ng DepEd na patuloy nilang tinututukan ang takbo ng late enrollment.
Kasama sa mga nakikitang dahilan ng DepEd sa mababang bilang ng mga nag-enrol ay ang mga bagyo at malakas na ulan na naranasan sa ibang mga lugar sa bansa. | ulat ni Jaymark Dagala
