Isang sunog ang sumiklab sa isang commercial establishment sa bahagi ng Balintawak, Quezon City.
Sa inisyal na ulat ng Bureau of Fire Protection (BFP)-QC, tinukoy na ‘chimney fire’ ang sunog sa Puregold, Balintawak sa Brgy. Apolonio Samson, QC.
Naiakyat ang sunog sa unang alarma kaninang 7:50 am. Mabilis namang rumesponde ang mga tauhan ng BFP at fire volunteers sa sunog kaya agad ring nakontrol ang sunog kaninang 8:23 am.
Patuloy namang iniimbestigahan ang sanhi ng sunog.
Kaugnay nito, mabigat ngayon ang daloy ng mga sasakyan sa bahagi ng EDSA Balintawak partikular na ng mga pa-sounthbound. | ulat ni Merry Ann Bastasa
