Nakahanda ang Department of Social Welfare and Development (DSWD) sa anumang kaganapan na idudulot ng Bulkang Taal sa Batangas.
Reaksyon ito ni DSWD Assistant Secretary Rommel Lopez, sa panibagong aktibidad ng bulkan na nagbubuga ng volcanic vog na nakaapekto sa kalapit lugar at maging sa Metro Manila.
Bagamat hindi normal, manageable pa ang sitwasyon sa paligid ng Taal.
Nanatili din ang koordinasyon ng DSWD sa lalawigan ng Batangas.
Nakaantabay lang daw ang DSWD at handang maglabas ng tulong kung kinakailangan tulad ng family food packs at Assistance to Individuals in Crisis Situation (AICS).
Payo pa ng DSWD sa publiko na manatili na lamang sa loob ng kanilang bahay kung wala namang importanteng gagawin sa labas.
Sabi pa ni Asec Lopez, nanatili pang naka heightened alert ang DSWD sa Batangas.| ulat ni Rey Ferrer
