Aabot na sa ₱55.3-milyon ang halaga ng humanitarian assistance na naihatid ng Department of Social Welfare and Development (DSWD) sa mga lugar naapektuhan ng habagat na pinaigting ng bagyong Goring at Hanna.
Ayon sa DSWD, inilaan ang ayuda sa higit 2,000 apektadong barangays sa 10 rehiyon sa bansa.
Samantala, umakyat pa sa higit 231,748 pamilya o 872,481 na indibidwal ang naapektuhan ng mga malalakas na pag-ulan at pagbaha.
Aabot pa rin sa 846 pamilya ang ngayo’y nananatili sa evacuation centers. | ulat ni Merry Ann Bastasa
