Nadagdagpan pa ang bilang ng mga mag-aaral na nag-enroll para sa School Year 2023-2024.
Ayon sa Department of Education (DepEd), tumaas pa sa 26.5 milyon ang kabuang bilang ng mga mag-aaral ang nag-enroll ngayong school year.
Ito ay batay sa pinakahuling datos ng Learner Information System Quick Count hanggang kaninang alas-2 ng hapon.
Pinakamarami ang nag-enroll sa Region IV-A na umabot na sa 3.8 milyon; sinundan naman ito ng Region 3 na may 2.9 milyon,; at National Capital Region na may 2.7 milyon.
Ayon kay Education Assistant Secretary Francis Bringas, tatanggap pa ang mga paaralan ng mga late enrollee hanggang sa katapusan ng buwan, lalo pa aniya at maraming mga paaralan sa bansa ang naapetukhan ng mga nagdaang bagyo.
Kumpiyansa naman ang DepEd na maaabot ang target na 28.8 milyon na bilang ng mga enrollee ngayong school year. | ulat ni Diane Lear
