Namahagi ang Department of Agriculture (DA) Regional Field Office 1 ng fertilizer discount vouchers na nagkakahalaga ng kabuoang P4,015,962 sa 1,617 na lokal na magsasaka sa Luna, La Union.
Ipinagkaloob ang mga discount vouchers sa Luna Sports Center, kung saan nagtipon ang mga magsasaka upang kanilang tanggapin ang naturang suporta.
Pinangunahan nina Luna Municipal Mayor Gary N. Pinzon at Engr. Jandy Castillo, Municipal Agriculture Officer ang aktibidad.
Inihayag ni Mayor Pinzon ang kanyang taos-pusong pasasalamat sa DA-Field Office 1 dahil sa tuloy-tuloy na suporta ng ahensya sa sektor ng agrikultura sa Luna, La Union.| ulat ni Glenda B. Sarac | RP1 Agoo
