Nagsimula nang magpakawala ng tubig ang Ipo Dam sa Norzagaray, Bulacan dahil sa mga pag-ulang dulot ng habagat.
Ayon sa PAGASA, sinimulan pa kahapon ang pagpapakawala ng tubig sa dam.
Sa ngayon ay .15 meters ang bukas na gate ng Ipo Dam.
Sa datos naman ng PAGASA Hydrometreology Division, as of 6am ay umabot sa 100.92 ang water level sa Ipo Dam na malapit na sa spilling level nito na nasa 101 meters.
Samantala, nadagdagan naman ng higit isang metro ang lebel ng tubig sa Angat Dam na nasa 199.15 meters mula sa 198.14 meters kahapon.
Bukod rito, tumaas din ang lebel ng tubig sa La Mesa, Ambuklao, Binga, Pantabangan, pati ang Magat Dam. | ulat ni Merry Ann Bastasa
