Naglunsad ng medical at dental mission ang Philippine Charity Sweepstake Office sa Bayan ng Pililla, Rizal.
Layon ng programang matulungan ang mga residente sa lugar na nangangailangan ng serbisyong medikal.
Mahigit 200 na indibidwal ang nakatanggap ng libreng konsultasyon medikal at dental.
Bukod dito ay nabigyan din ang mga ito ng libreng mga gamot at bitamina.
Nagkaloob din ang PCSO Rizal Branch ng libreng lotto tickets sa lahat ng mga dumalo at nakiisa sa programa.
Nagpasalamat naman ang Pililla LGU sa tulong na ibinigay ng PCSO sa mga Rizalenos at sa serbisyo ng volunteer doctors, nurses, at health workers. | ulat ni Diane Lear
