Pinamunuan ng lokal na pamahalaan ng Zamboanga ang isinagawang seremonya bilang paggunita sa ika-10 taong anibersaryo ng 2013 Zamboanga Siege sa Freedom Fighters Memorial Shrine Plaza sa naturang lungsod kamakailan.
Nagsagawa rin ng 21-gun salute upang alalahanin ang mga kinilalang bayani at sa mga nagbigay ng kanilang buhay para sa mga residente ng naturang lungsod sa nangyaring bakbakan.
Kinilala rin ng lokal na pamahalaan ng Zamboanga ang mga miyembro ng media at akademya para sa kanilang natatanging suporta noong siege sa lungsod.
Matatandaan, nasa 20 sundalo, 5 kapulisan, at 13 sibilyan ang nasawi sa nangyaring giyera na nagtagal ng 21-araw laban sa mga miyembro ng Moro National Liberation Front o (MNLF). | ulat ni Justin Bulanon | RP1 Zamboanga
Photos: Zamboanga City LGU
