Nakatakdang dalhin ang mga labi ni dating Marikina City Mayor at dating Metropolitan Manila Development Authority Chairman Bayani Fernando sa Queen of Angels Chapel sa Riverbanks, Marikina City ngayong gabi.
Kaugnay nito ay maglalabas pa lang karagdagang impormasyon ang pamilya Fernando kung kailan ito bubuksan sa publiko.
Sa opisyal na pahayag ng maybahay ni Fernando na si Marides Fernando, humingi ito ng panalangin matapos ang hindi inaasahang pagpanaw ng dating alkade.
Maalala umano si Fernando na “man of vision, political will, at man of action” bilang isang lingkod bayan.
Sobra rin aniya nilang mami-miss si Fernando bilang isang mapagmahal na asawa, tatay, at lolo.
Pumanaw si Fernando ngayong araw dahil sa aksidente matapos na mahulog sa bubong ng kanilang bahay. Siya ay 77 taong gulang. | ulat ni Diane Lear
