Nagsasagawa na rin ng monitoring sa ilang pamilihan ang Navotas City Agriculture Office katuwang ang Business Permits and Licensing Office para tutukan ang pagpatutupad ng Executive Order No. 39 sa lungsod.
Layon nitong i-monitor ang pagsunod sa price cap ng mga tindahan ng bigas sa Navotas City.
Bago ito, nakipagpulong na rin si Mayor John Rey Tiangco kasama ang Local Price Coordinating Council sa mga rice retailers para mapag-usapan ang EO, gayundin ang kanilang opinyon at maiparating ito sa kaukulang ahensya ng pamahalaan.
Una nang hinikayat ni DILG Secretary Benhur Abalos Jr. ang mga lokal na pamahalaan na tulungan ang mga maliliit na rice retailer upang makasunod sa EO 39. | ulat ni Merry Ann Bastasa
📸: Navotas LGU
