Nagpaabiso ang Metropolitan Manila Development Authority (MMDA) na suspendido ang operasyon ng Pasig River Ferry Service ngayong araw.
Ayon sa MMDA, ito’y bunsod ng nararanasang masamang panahon dahil sa epekto na rin ng #BagyongHannaPH
Mayroong 13 istasyon ang Pasig River Ferry Service partikular na sa mga lugar ng Pinagbuhatan, San Joaquin, Maybunga, at Kalawaan sa Pasig.
Gayundin sa Guadalupe at Valenzuela sa Makati City; Hulo sa Mandaluyong at Lambingan, Sta. Ana, PUP, Lawton, Escolta, at Quinta naman sa Lungsod ng Maynila.
Una nang idineklara ng Malacañang na suspendido ang pasok sa lahat ng antas sa mga paaralan gayundin sa mga tanggapan ng pamahalaan maliban sa mga emergency frontliner. | ulat ni Jaymark Dagala
