Nasabat ang 200 gramo ng shabu na nagkakahalaga ng P1.36 million sa ikinasang buy bust operation ng Provincial Drug Enforcement Unit sa Brgy. Poblacion Southeast, Lemery, Iloilo.
Arestado sina Sheila Mae Yu, 34 na taong gulang; Jose Maria Yu, 26 na taong ulang; Bryan Yu, 29 na taong gulang; at Angel Alavaren, 21 taong gulang pawang mga residente ng Brgy. Poblacion Zone 1, Estancia, Iloilo.
Sa monitoring ng kapulisan, regional target si Sheila Mae at provincial target naman si Jose Maria.
Pinuri naman ni Police Regional Office 6 Director PBGen. Sidney Villaflor ang operating units sa matagumpay na operasyon.
Sa pagkakaaresto sa apat na tulak ng droga mahaharap sila kasong paglabag sa Republic Act 9165 o Comprehensive Dangerous Drugs Act of 2002.
Sa ngayon nasa kustodiya ng Lemery Municipal Police Station ang mga suspek. | ulat ni Paul Tarrosa | RP1 Iloilo
📸 IPPO
