Isinusulong ngayon ni OFW party-list Rep. Marissa ‘Del Mar’ Magsino na magpatayo ng OFW lounge sa mga international airport sa buong bansa.
Ipinunto ni Magsino na ang mga OFW ay kinakailangang sumailalim sa mas maagang check-in procedure.
Kaya naman kailangan na mayroon silang komportableng holding area kung saan sila maaaring mamahinga habang hinihintay ang flight.
“International flight passengers, particularly Overseas Filipino Workers (OFWs), are required to complete their check-in procedures several hours prior to their scheduled departure. This necessitates the provision of a dedicated holding area or lounge where these individuals can unwind in comfort and make efficient use of their waiting time before embarking on their outbound journey. Additionally, such a facility is equally vital to offer respite and relaxation to OFWs upon their return from international flights, providing them with a tranquil environment to recuperate after their inbound travels.”, ani Magsino.
Sa kaniyang House Resolution 1305 hinihikayat ng lady solon ang angkop na komite na magsagawa ng pagdinig upang alamin kung paano maisasakatuparan ang OFW lounge.
Bagamat maaari aniya itong idaan sa lehislasyon mas maigi na magkaroon na lang ng administrative action ang airport authorities upang mas mabilis umusad ang pagsasakatuparan nito.
Sakaling maitayo, dapat aniya ay may kumpletong amenities ang lounge gaya ng Wi-Fi, charging stations, assistance desk, sleeping quarters, shower at changing rooms at kahalintuad.
August 2021 nang buksan ng New Clark International Airport ang kanilang OFW lounge, may plano na rin ang NAIA Terminal 3 para dito ngunit wala pang timeline ng implementasyon. | ulat ni Kathleen Jean Forbes
