Posible nang maiakyat sa plenaryo ng Kamara sa pagbabalik-sesyon ang panukala upang ipagbawal ang online betting ng lotto sa bansa.
Ito’y matapos aprubahan ng House Committee on Games and Amusement ang House Bill 9283 kung saan binibigyang diin na dapat ay pisikal at ginagawa sa mga awtorisadong lotto outlet ang pagtaya.
Ang anumang pagbabago umano sa sistema o proseso ng paglalaro ng lotto ay dapat aprubado ng Pangulo.
Una nang sinabi ng Philippine Charity Sweepstakes Office (PCSO) na ikakasa nila ang test run ng online betting ng lotto bago matapos ang buwan. | ulat ni Kathleen Jean Forbes
