Pinuri ni Finance Secretary Benjamin Diokno ang Social Security System (SSS) sa mas pinagandang sistema para mapagsilbihan ang mga miyembro nito sa loob at labas ng bansa.
Ito ang mensahe ni Diokno sa kanyang pagdalo sa ika-66 founding anniversary ng SSS.
Ayon sa kalihim, alinsunod sa mandato ng ahensya, patuloy na isinusulong ng SSS ang pagpapatupad ng “enhanced system” upang maserbisyuhan ang vulnerable workers.
Aniya, ang self-employed persons, kabilang ang mga nasa informal sector, ang underserved ng social security services.
Sa pamamagitang SSS e-Wheels at E-Center sa Barangay programs, inilapit ng ahensya ang kanilang serbisyo sa mga tao lalo na sa mga “marginalized communities”.
Dahil dito, binigyang daan ng SSS ang paggamit ng digital platforms upang mas madaling maaccess ng mga miyembro nito ang kanilang tanggapan. | ulat ni Melany Valdoz-Reyes
