Nanawagan si Pangulong Ferdinand R. Marcos Jr. sa mga siyentipikong Pinoy na nasa abroad na magbalik bansa na sa ilalim na din ng Balik Scientist Program.
Ang panawagan ay ginawa ng Chief Executive habang pinalalakas aniya ng pamahalaan ang innovation research sa larangan ng health, science, and technology sa pamamagitan ng FILIPINNOVATION.
Paniniguro ng Presidente na may nakalaang pondo para sa pagpapatupad ng innovation grants sa mga pangunahing programa para sa Balik Scientist Program.
Sa kasalukuyan, ayon sa Pangulo, ay nasa ika-59 na puwesto ang Pilipinas kung pag-uusapan ay Global Innovation Index (GII) rankings.
Ang target aniya ng kanyang administrasyon ay umangat ang Pilipinas at mapabilang sa top one-third economy sa pagtatapos ng kanyang termino sa 2028. | ulat ni Alvin Baltazar
