Nag-standout sina Quezon City Mayor Joy Belmonte at Candon City Mayor Eric Singson bilang Top Performing City Mayors sa bansa, ayon sa Independent at non-commissioned survey na RP-Mission and Development Foundation Inc. (RPMD).
Batay sa inilabas nitong “Boses ng Bayan (Q2)” nationwide evaluation, nagkamit ng performance rating na 95.73% si QC Mayor Belmonte habang umabot naman sa 94.86% si Candon City Mayor Eric Singson.
Magkakahanay naman sa Top 2 spot sina San Jose del Monte Mayor Art Robes (91.67%), Baguio City Mayor Benjamin Magalong (90.91%), at Maasin City Mayor Nikko Mercado (90.88%).
Nasa ikatlong pwesto sina Lipa Mayor Eric Africa (89.72%), Mandaue Mayor Jonas Cortes (89.71%), Ozamis City Mayor Indy Oaminal (89.32%), Dumaguete Mayor Ipe Remollo (88.94%), Talisay City Mayor Samsam Gullas (88.93%), Tagaytay City Mayor Bambol Tolentino (88.85%), at Lapu-Lapu Mayor Ahong Chan (88.78%).
Pasok din sa ikaapat na pwesto sina Iloilo Mayor Jerry Treñas (86.79%), Sorsogon Mayor Ma. Ester Hamor (86.63%), San Fernando City Mayor Vilma Caluag (86.55%), at Davao City Mayor Baste Duterte (86.51%).
May apat ding alkalde ang nakapasok sa Top 5 kabilang sina Tobacco City Mayor Krisel Lagman-Luistro (85.78%), Kidapawan Mayor Pao Evangelista (85.75%), Tagum City Mayor Rey Uy (85.64%), at Cotabato City Mayor Bruce Matabalao (85.37%).
Ayon kay Dr. Paul Martinez, Executive Director ng RPMD, kasama sa sinukat sa naturang survey ang mga sumusunod na criteria: service delivery, financial acumen, economic progress, leadership governance, environmental conservation, social initiatives, at engagement.
Isinagawa ang “RPMD’s Boses ng Bayan” poll, mula June 25 hanggang July 5, 2023 sa 10,000 randomly selected registered voters. | ulat ni Merry Ann Bastasa
