Muling siniguro ni Taguig City Mayor Lani Cayetano na patuloy nilang sinisikap na maibahagi na ang mga benepisyong dapat matanggap ng senior citizens sa 10 EMBO barangays na nakapaloob na sa kanilang jurisdiction.
Ayon kay Mayor Lani, bagamat hindi pa nila hawak ang kabuuan ng datos mula sa OSCA o Office for Senior Citizens Affairs ng Makati sa lahat ng senior citizens sa 10 EMBO barangays ay mano-mano na nila itong kinakalap upang maipagpatuloy ang mga programa at serbisyo sa mga lolo at lola na magdiriwang ng kanilang kaarawan.
Samantala, muli namang sinabi ni Mayor Cayetano sa lahat ng senior citizens sa lungsod na masarap tumanda sa Taguig. | ulat ni AJ Ignacio
