Iniulat ng Bureau of Customs (BOC) na nahigitan nito ang target revenue collection na itinakda ng Development Budget Coordination Committee (DBCC) para sa buwan ng Agosto 2023.
Base sa datos, umabot ng Php 75.642 billion, ang nakolekta ng BOC na lagpas sa target na Php 72.275 billion o 4.7%, katumbas ng Php 3.367 billion.
Mula Enero hanggang Agosto 2023, nakakulekta ang BOC ng kabuuang Php 582.133 bilyon na kita, na lumampas sa target na Php 567.740 bilyon o 2.54%, katumbas ng Php 14.393 bilyon.
Kumpara sa koleksyon noong nakaraang taon na Php 558.455 bilyon sa parehong panahon, ang kita ngayong taon ay lumago ng 4.24%, na abot sa Php 23.678 bilyon.| ulat ni Rey Ferrer
