Kinilala ni Vice President Sara Duterte ang mga nagawa ng mga sundalo ng 20th Infantry Division ng Philippine Army sa 73rd Founding Anniversary nito sa Las Navas, Northern Samar.
Sa talumpati ni VP Sara, pinuri nito ang kanilang mga ginagawa sa pamamagitan ng iba’t ibang proyekto para sa mga komunidad at mamamayan.
Si VP Sara ay nagsisilbi ring Co-Vice Chairperson ng National Task Force to End Local Communist and Armed Conflict, nagpasalamat din ito sa magigiting na sundalo para sa kanilang serbisyo sa bayan.
Kasabay nito, ay hinimok ng Pangalawang Pangulo ang mga sundalo na isulong ang edukasyon sa mga komunidad para matugunan ang problema sa insurgency.
Naniniwala naman si VP Sara, na sa pakikipagtulungan sa iba’t ibang ahensya ng pamahalaan ay masusugpo ang problema sa insurgency, at maraming inosenteng buhay ang maililigtas lalo na ang mga kabataan. | ulat ni Diane Lear
