Nakatakdang magpatupad ng automated system ang Department of Education (DepEd) para sa pagkuha ng mga bagong guro gayundin sa promosyon ng mga ito.
Iyan ang tinuran ni Vice President at Education Secretary Sara Duterte nang pangunahan nito ang tree planting activity kaalinsabay ng pagdiriwang ng National Teachers Month sa Tagbilaran, Bohol.
Ayon kay VP Sara, maka-aasa na ang mga guro na magiging pantay at patas ang proseso sa pagkuha ng mga guro gayundin sa kanilang promosyon nang walang palakasan.
Kasunod nito, ipinagmalaki ni VP Sara na patuloy nilang itataguyod ang pagbibibigay ng benepisyo sa mga guro
Dagdag pa ng Pangalawang Pangulo, magsisilbi aniya ang buong buwan ng Setyembre bilang paalala sa mga Pilipino hinggil sa kahalagahan gayundin sa kinabukasan ng bansa. | ulat ni Jaymark Dagala
