Animnaput-isa (61) sa kabuuang 99 electric cooperatives (ECs) sa bansa ang nakaranas ng power interruptions sa pagitan ng alas 5:00 ng umaga hanggang alas 11:00 ng umaga.
Sa ulat ng National Electrification Administration (NEA) Power Task Force Election 2023, kabuuang 162 interruptions ang naitala na may average duration ng 56.22 minutes.
Ngayong hapon, may 7 ECs ang isinasailalim sa power restoration kabilang ang ALECO, BATELEC II, COTELCO, ESAMELCO, FIBECO, ILECO I, at LEYECO V.
Nasa 6 polling centers ang naapektuhan ng power interruption.
Samantala, balik na sa normal na operasyon ang mga ECs na unang isinailalim sa restoration activities na kinabibilangan ng MASELCO, CEBECO III, PALECO, OMECO, at CENPELCO.
Sa panig ng National Grid Corporation of the Philippines (NGCP), hanggang alas 5 ng hapon kanina, nanatiling nasa normal na operasyon ang kanilang transmission lines at facilities.| ulat ni Rey Ferrer
