Inaresto ng Quezon City Police District- Criminal Investigation and Detection Unit ang kilalang aktor na si Ricardo Cepeda, dahil sa kasong Syndicated Estafa.
Ang aktor na kilala sa totoong buhay na si Richard Go 58 taong gulang ay residente ng San Antonio St., Pasig City.
Ayon kay QCPD Director PBgen Redrico Maranan, dinakip si Cepeda o Richard Go sa Mabini St, Maypajo, Caloocan City ng mga operatiba ng CIDU sa bisa ng warrant of arrest na inisyu ng Quezon City Regional Trial Court Branch 12.
Nasa kustodiya ng QCPD ang aktor at hinihintay na maabisuhan ang korte na naglabas ng warrant of arrest para mailipat siya ng kulungan. | ulat ni Rey Ferrer
