Iniulat ng Armed Forces of the Philippines (AFP) Visayas Command (VISCOM) na pangkalahatang mapayapa sa mga oras na ito ang Barangay at Sanguniang Kabataan Elections (BSKE) sa Visayas.
Ayon kay Viscom Commander Lt. General Benedict Arevalo, 100 porsyiento ang deployment ng security personnel sa rehiyon.
Isang daang porsyiento din aniya ang nai-deliver na election paraphernalia sa mga voting center; at 100 porsiyento naman ng mga voting center ang bukas at patuloy sa pagtanggap ng mga botante.
Sa Negros Oriental aniya , na una nang isinailalim sa Comelec Control, ay kasalukuyang nagsasagawa ng aerial reconnaissance ang AFP helicopters para ma-monitor ang sitwasyon sa lalawigan.
Tiniyak ni Arevalo, na patuloy na tututukan ng AFP ang progreso ng BSKE sa Visayas para agarang maka-responde sa anumang kaganapan. | ulat ni Leo Sarne