Kinumpirma ng Department of Information and Communications Technology (DICT) ang pag-leak ng data ng Philippine Health Insurance Corporation (PhilHealth) matapos ang Medusa ransomware attack.
Sa pahayag ng DICT, inupload umano ng Medusa ransomware group ang kopya ng mga file dalawang araw makalipas ang deadline sa pagbayad ng ransom na P17 bilyon.
Kabilang umano sa mga nag-leak na impormasyon ay mga litrato at transaction receipts.
Nabatid na sinabi naman ng PhilHealth, na nananatiling intact ang database ng mga miyembro nito at tanging mga impormasyon lamang ng kanilang mga kawani ang apektado. | ulat ni Diane Lear
