Itinakda na sa Enero 28, 2024 ng Civil Service Commission (CSC) ang Career Service Examination para sa Foreign Service Officer (FSO).
Tuloy pa ang pagtanggap ng CSC sa application ng interested examinees, hanggang sa itinakdang deadline sa Oktubre 20, 2023.
May option ang mga examinee na i-submit ang kanilang applications sa pamamagitan ng iba’t ibang channel.
Kabilang dito ang Department of Foreign Affairs (DFA) Consular Offices sa loob at labas ng Metro Manila, Philippine Embassies, Consulates, o Missions overseas, at sa BFSE Secretariat na nasa DFA Main Office sa Pasay City.
Ang Foreign Service Officer (FSO) examination ay isasagawa sa 18 testing centers sa buong Pilipinas. | ulat ni Rey Ferrer
