Inamin ng Philippine Health Insurance Corporation (PhilHealth) na nananatili pa ring rehistrado bilang PhilHealth members ang higit apat na milyong indibidwal na yumao na.
Sa pagdinig ng Senado, sinabi ni PhilHealth President at CEO Emmanuel Ledesma Jr. na kinakailangan pa nilang linisin ang database ng ahensya.
Sinabi ni Ledesma na nakipag-ugnayan na sila sa Department of Information and Communications Technology (DICT) kaugnay nito.
Sa naturang pagdinig ay ibinahagi rin ng opisiyal na nasa 92 percent na ng mga Pilipino ang covered ng PhilHealth.
Resulta aniya ito ng mas pinadali nang membership process ngayon.
Ayon kay Ledesma, naisaayos na nila ang kanilang sistema kung saan kahit na nasa ospital na ang isang indibidwal ay maaari pang iproseso ang kanyang membership kaya wala nang dahilan para hindi makapagpamiyembro. | ulat ni Nimfa Mae Asuncion
