May 95 elementary student na benepisyaryo ng Tara, Basa! Tutoring Program ang pinagkalooban ng libreng prescription eyeglasses mula sa GT Foundation Inc. (GTFI).
Ayon sa Department of Social Welfare and Development (DSWD), ang mga benepisyaryo ay mula sa Bagong Silangan Elementary School.
Sinabi ni DSWD Program Management Bureau Director Maricel Deloria na ang libreng eye screening at provision ng prescription eyeglasses ay isa sa mga bahagi ng tutoring program upang matiyak na ang mga grade school beneficiaries ay may malinaw na paningin.
Kaugnay nito, palalawakin pa ng DSWD at ng GT Foundation Inc ang programa sa iba pang pilot areas para masuri ang iba pang benepisyaryo ng Tara, Basa! Tutoring program.
Bukod sa grade 2 students namahagi rin ang GTFI ng eyeglasses sa 32 elementary school learners mula sa iba’t ibang grade levels at sa 44 guro at staff ng Bagong Silangan Elementary School. | ulat ni Rey Ferrer
