Kaisa ang matataas na opisyal ng Kamara sa pagbubunyi ng bansa sa pagkapanalo ng Pinay athlete na si Chezka “The Flash” Centeno sa 2023 Predator WPA World 10-Ball Championship.
Malaki ang pasasalamat ni House Speaker Martin Romualdez, sa panibagong karangalang ibinigay ng Pinay athlete sa Pilipinas.
Kinilala din ng House leader si Centeno dahil sa pinatunayan nito sa buong mundo ang husay at galing ng mga Pilipino.
Pinuri rin ni House Majority Leader Mannix Dalipe si Centeno na kapwa niya Zamboangueño.
Aniya tunay na maipagmamalaki ang galing ng kaniyang kababayang atleta.
Nasungkit ni Centeno ang kampeonato matapos talunin ang katunggaling si Han Yu ng China sa iskor na 9-5. | ulat ni Kathleen Jean Forbes
