Kinilala ng Department of Health – National Capital Region (DOH) ang House of Representatives (HRep) bilang ‘mother-baby friendly’ institution.
Ito ay dahil na rin sa pagkakaroon ng angkop na pasilidad at sapat na suporta para sa working mothers sa Kamara.
Partikular dito ang apat na lactation stations sa HREP Complex.
Ayon kay DOH Undersecretary Dr. Nestor Santiago Jr. malaking bagay ang pagkakaroon ng isang supportive workplace gaya ng Kamara para sa mga ina at kanilang mga anak.
Si Committee on the Welfare of Children Chairperson and BHW Party-list Rep. Angelica Natasha Co ang tumanggap ng parangal sa ngalan ni Tingog party-list Rep. Yedda Romualdez.
Pagtiyak ng lady legislators na patuloy na sisiguruhin ng House of Representatives na ang kanilang pasilidad ay ligtas at may pagkalinga para sa working mothers lalo na ang lactating moms. | ulat ni Kathleen Jean Forbes
